பயணங்கள் முடிவதில்லை....!

மும்பையில் இருந்து ஊர் வந்தும் வெளியே போகமுடியாத நிலை காரணம் என் மனைவிக்கு உடல்நலமின்மை [[இப்போ நல்லாகிட்டாங்க]] கே ஆர் விஜயன் போன் பண்ணினார் என்னய்யா வாரேன்னுட்டு இன்னும் ஆளையே காணோம் என வருத்தப்பட்டார்.

நாளை வாறேன்னு சொல்லிட்டேன், எங்க ஊரில் குளம் இருக்கிறது பெயர் பூலாங்குளம், நானும் நண்பன் ராஜகுமாரும், என் அண்ணனும் அன்று நிறைய தேங்காய் எண்ணெய் வாங்கி தலையில் குளு குளுவென தேய்த்து விட்டு தலையில் தண்ணீர் படாமல் ரெண்டு மணி நேரம் தண்ணீரில் அமர்ந்து விட்டோம்.

அப்பப்பா என்னே ஒரு சுகம் என்னே ஒரு சுகம், குளித்து முடித்து [[சோப்பு போட்டுதான்]] கரையேறியதும் உடம்பில் இருந்த சூடல்லாம் பறந்தே போச்சு போங்க....!!!

கன்னியாகுமரி சூர்ய அஸ்தமனம்.

அடுத்தநாள் பஸ் பிடிச்சி விஜயன் கடை முன்பு இறங்கி ஒரு போவண்டாமோ [[பொவண்டோ'ன்னு நினைக்கிறேன் ஹி ஹி வாயில் வரவே மாட்டேங்குது இந்த பெயர்]] வாங்கிட்டு நிற்கவும் விஜயன் பைக் எடுத்துட்டு வெளியே கிளம்பிட்டு இருந்தார்.

ஹலோ விஜயன் எப்பிடி இருக்கீங்க, பரஸ்பரம் நலம் விசாரிப்புகள், சரி வண்டில ஏறுங்க என்றார், இல்லை எனக்கு உடனே கிளம்பனும் என்றேன், யோவ் இன்னும் வரவே இல்லை அதுக்குள்ளே கிளம்பனுமா [[இவனெல்லாம் ஒரு மனுஷனா;ன்னு நினச்சிருப்பாரோ ஹி ஹி]]

இவர் பின்னாடி பைக்ல உக்காந்தாலே ஈரக்கொலை நடுங்கும் எனக்கு, காரணம் சைக்கிள்ல ச்சே ச்சீ பைக்ல சைட் மிரர் கிடையாது, அவருக்கு அதெல்லாம் ஒரு பொருட்டே இல்லை ஆனால் நான்தான் நடுங்கிட்டு இருந்தேன்.

நாகர்கோவில் சிட்டியில் பைக் ஓட்டுபவர்களை நினைத்தால் கவலையாகவே உள்ளது ஏன்னா யாருமே ஹெல்மெட் யூஸ் பண்ணுரதில்லை [[அரசாங்கத்தின் கவனத்திற்கு]] அதுக்கு நெல்லை நேர்மையாக இருப்பதற்கு ஒரு ராயல் சல்யூட்..!

நண்பன் ராஜகுமார் கன்னியாகுமரியில்.

எப்பிடியோ பத்திரமாக விஜயன் கடைக்கு வந்து சேர்ந்தோம், பக்கத்தில் இருக்கும் மாப்பிளை'ஹரீஷையும் போயி பார்ப்போம் என அங்கே சென்று தம்பியையும், அவர் அக்கா பையனையும் பார்த்து விட்டு அவர் கடையில் ரெண்டு பிராண்டட் சர்ட்டும் எடுத்துட்டு [[கடையின் மேலே அப்பிடி ஒரு சூடு அவ்வ்வ்வ்வ்]] தம்பி பொவாண்டாமோ கொண்டு வந்துருக்கேன் குடிக்க விஜயன் கடைக்கு வந்துருன்னு சொல்லிட்டு வந்தோம்.

நாகர்கோவில் பஸ்நிலையம்.

விஜயன் கடையில் வேலை செய்யும் பொண்ணு இப்பவும் அதே போல அழகு...! இந்த முறையும் பெயர் கேட்க மறந்துட்டேன் [[அடப்பாவி உருப்படுவியா நீயி]] 

கன்னியாகுமரி சூர்ய அஸ்தமனம்.

அப்புறமா விஜயன்கிட்டே சொன்னேன், திருநெல்வேலி போகப்போறோம் நீங்களும் நானும் சிபி'யும் அதற்க்கு முன்பு அணுமின் நிலைய எதிர்ப்பாளர்களின் தலைவர் உதயகுமார் அவர்களை நண்பர் கூடல்பாலா மூலம் சந்திக்க இருந்த ஏற்பாட்டையும், மனதோடு மட்டும்' கௌசல்யாவும் வருவார்கள், என்றும் சொன்னேன்.

கன்னியாகுமரியில் நான்.

அவர் டபுள் ஒகே சொல்லிட்டார், அதாவது கூடல்பாலா போன் செய்து சொன்னார் அண்ணே உதயகுமார் அண்ணன் வெள்ளிகிழமை உங்களுக்கு அப்பாயின்ட் மென்ட் தந்து உள்ளார்கள், வேண்டுமானால் அவர்கள் வீட்டிலேயே [[நாகர்கோவில்]] போயும் பார்க்கலாம் என்றார்.

தங்க நாற்கரை சாலை குமரி முனை தொடக்கம்.

சிபி'யையும் கௌசல்யாவையும் நேரே நாகர்கோவிலில் விஜயன் கடைக்கு வரவச்சுட்டு உதயகுமார் அவர்களையும் போயி பார்த்துட்டு  அப்புறமா நெல்லை போயிறலாம்னு பிளானை விஜயனுக்கு சொல்லிட்டு ரெடி ஆகசொன்னேன்.

ஆனால் விதி, நமது முதலமைச்சர் மூலமா பல்லாங்குழி ஆடுனதை எப்பிடி சொல்வேன்...??? ஆம் முதலமைச்சர் ஜெயலலிதாவேதான்..........

பயணம் தொடரும்.......