அரபியுடன் மல்லுகட்டிய நாட்டாமை...!

எங்க ஹோட்டல் நம்பருக்கும் போலீஸ் ஸ்டேஷன் நம்பருக்கும் ஒரே ஒரு எண்"தான் வித்தியாசம்ன்னு ஏற்கனவே சொல்லி இருக்கேன் இல்லையா....

அப்பிடி போலீஸ் ஸ்டேசனுக்கு போன் செய்த அரபி, நம்பர் மாறி எங்க ஹோட்டலுக்கு [[ரிஷப்சன்]] வருது [[இது எப்பவும் வழக்கம்தான்]] போனை எடுத்ததோ நம்ம புதிய டிரைனிங் கேர்ள் மொரோக்கோ...போன் நம்பர் மாற்றம் பொண்ணுக்கு தெரியல போல...

"என்ன...?"

"................................................................"

"சரி நம்பர் சொல்லு"

".............................................................."

"இந்த இடம் இந்த அட்ரஸ்..." [[எங்கள் ஹோட்டல் அட்ரஸ் சொல்கிறாள்]]

"......................................................."

"ஒ இல்லை இல்லை அது இல்லை"

"......................................................"

"நோ நோ...."

என்னமோ விவகாரம்னு நாட்டாமை ஓடி வர.....பொண்ணு உதட்டை பிதுக்கி காமிச்சுட்டு போனை நாட்டாமை கையில் கொடுக்க....

"ஹலோ..."

"என் பி எம் டபள்யூ காரை காணோம் யாரோ களவாண்டுட்டு போயிட்டங்க எங்க அப்பாவுக்கு உடம்புக்கு சரி இல்லையாம் நான் உடனே சவூதி போகணும்... உடனே கண்டுபிடுச்சி தாங்க பிளீஸ்"

ரோகம் என்னான்னு நாட்டாமைக்கு பிடி கிடைக்க....

"ஆக்சு"வலி" நீங்க ராங்க் நம்பர்ல பேசிகிட்டு இருக்கீங்க சார், இது போலீஸ் ஸ்டேஷன் இல்லை இது ஒரு ஹோட்டல்"

"பொய் சொல்லாதே இப்பதானே அந்த லேடி போலீஸ், கார் நம்பர் கேட்டாங்க...கார் இருக்கிற இடத்தின் அட்ரசும் சொன்னாங்க...நீ எதுக்கு பொய் சொல்லுறே ?"

"சார்....." இடைமறிக்குறான்...

"எனக்கு எதுவும் தெரியாது, எனக்கு இப்போ என் கார் வேணும் அப்பாவுக்கு சுகமில்லை நான் உடனே சவூதி போகணும் பிளீஸ்"

"ஹலோ...சார்.....இது நீங்க நினைக்குராப்ல போலீஸ் ஸ்டேஷன் இல்லை..."

"அவ்வவ்வ்வ்வ் ம்ம்ம்ம் அவ்வ்வ்வவ்வ்வ் எங்க அப்பாவுக்கு சுகமில்லை எனக்கு உடனே சவூதி போகணும் அதுக்கு கார் வேணும் கண்டுபிடிச்சி குடு ஆஅ ஆஅ வவ்வ்வ்வ் ம்ம்ம்ம் அவ்வ்வ்வ்..." அழுவுறான்

நாட்டாமை டபீர் என்று போனை லைனில் அடித்து எறிஞ்சிட்டு மொரோக்கோ பார்ட்டிக்கு ஒரு மிதியும் குடுத்துட்டு [[செல்லமாதான்]] ரூமுக்குள்ளே போயி அழுதுகிட்டு இருக்கான்.

ஏதாவது ஒரு ரூபத்துல வந்து லந்து குடுக்கலைன்னா இவனுகளுக்கு தூக்கமே வராதோ...?