கேபிள் ரோஜா [[நடிகை ரோஜா அல்ல]]

என்னுடைய அரபி முதலாளியின் நண்பன் ஒருவன், எங்கள் ஹோட்டலில் குடும்பத்தோடு தங்கி இருக்கிறான். மிகவும் அகங்காரம் பிடிச்சவன். ஒருநாள் திடீரென என்னை அழைத்து ஹவுஸ் கீப்பிங் பாய்ஸை அனுப்ப சொன்னான். அவர்களும் போனார்கள். போய் திரும்பியதும் அவர்களிடம் கேட்டேன் எதுக்கு கூப்பிட்டான் என்று, கொஞ்சம் சின்ன சின்ன செடிகள் புதிதாக கொண்டு வந்துருக்கான் அதை உங்கள் ரூம் பக்கத்துலதான் வச்சிருக்கான் அதுக்கு தண்ணீர் ஊற்ற எங்களை அழைத்தான் என்றார்கள்.

நானும் ஆச்சர்யத்தோடு போயி பார்த்தேன். சின்ன சின்ன குட்டியூண்டு பிளாஸ்டிக் [[மிக சிறிய]] தொட்டியில், கேபிள் ரோஜா செடி பார்க்க அழகாக இருந்தது, ஆனால் அவன் முகமும் நினைவுக்கு வருவதால் வெறுப்பாக இருந்தது. முதலாளியிடம் அந்த செடிகளை காட்டி பெருமை பட்டு கொள்வான். ஒருநாள் தண்ணீர் ஊற்றினான், ரெண்டுநாள் தண்ணீர் ஊற்றினான், மூன்று நான்கு ஐந்து நாட்கள் ஊற்றி விட்டு ஹவுஸ்கீப் பாய்ஸை கூப்பிட்டு இனி நீங்கள்தான் செடிக்கு தண்ணீர் ஊற்றவேண்டும் என சொல்லி சென்றான்.

அந்த பெங்காலி பாய்சுக்கு அவனை சுத்தமாக பிடிக்காது. அவர்களும் ரெண்டுநாள் ஊற்றிவிட்டு, அப்பிடியே கிடப்பில் போட, இதற்கிடையில் ஸ்டோர் சாமான்களும் வந்து சேர, அந்த செடிகள் அங்குமிங்கமாக கண்டுகொள்ளாமல் விடபட்டது. முதலாளியின் நண்பன் அதன் பிறகு அந்த செடியை கண்டுகொள்ளாமல் விட்டுவிட்டான். செடியெல்லாம் காய்ந்தும் காணாமலும் போனது. அதில் ஒரே ஒரு செடி மட்டும் சாகும் தருவாயில் இருந்தது.

நான் அதை பார்க்கும் போது அது என்னை நோக்கி கெஞ்சுவது போல தோணியது, பாவமாக தெரியவே, அதை தூக்கிக்கொண்டு எனது ரூம் முன்னாடி வைத்து நான் குடிக்கும் மினரல்  வாட்டரையே அதுக்கும் தினம் தினம் ஊற்றி, வளரும்னு நினச்சா வளரவே இல்லை அப்பிடியேதான் பசுமையா இருக்கு, பிறகு என்னோடு வேலை பார்க்கும் அனில் அண்ணன்தான் சொன்னார், அடேய் அது குட்டியூண்டு தொட்டிக்குள்ளே இருப்பதால் வேர் விட வாய்ப்பில்லாமல் இருக்கு அதான் வளரவில்லைன்னு சொன்னார்.

அனில் அண்ணன் ஒரு கத்தாழை செடியை "நல்லமூடில்" இருந்த ஒருநாள் ஒரு அரபி வீட்டில் இருந்து லவட்டி கொண்டு வந்துருந்தார். அது பெரிய தொட்டியில் இருந்தும் சீவனை விட்ருச்சி, அப்புறம் அனில் அண்ணன்கிட்டே கேட்டேன். அண்ணா அந்த தொட்டியை நான் எடுத்து கொள்ளட்டுமான்னு, தாராளமா எடுத்துக்கோ என்றார். 

அந்த தொட்டியில் இருந்த காய்ஞ்சி போன கத்தாழை'யை புடுங்கி எறிஞ்சிட்டு, இந்த குட்டி தொட்டியின் கீழே அடியில் உள்ள பிளாஸ்டிக்கை அறுத்து எறிந்தேன். அப்பிடியே அந்த பெரிய தொட்டியின் நடுவே ஊனிவிட்டேன். நாள்தோறும் தண்ணீர் விட்டு வந்தேன், கொக்காமக்கா இப்போ படர்ந்து பூத்து குலுங்குது..!!! காலையில் எனக்கு குட்மானிங் சொல்லி அசத்துது. அந்த கேபில்ரோஜா செடியின் போட்டோதான்  நீங்கள் இந்த பதிவில் பார்ப்பது. எல்லாம் நான் எடுத்த போட்டோ காபிரைட் வச்சிருக்கேன் சாக்குரதை.

டிஸ்கி : எலேய் நானும் வெவசாயிதாம்லெய்.....

டிஸ்கி : ஆபீசர் சங்கரலிங்கம், சித்ரா சாலமன், இம்சை அரசன் பாபு, விஜயன், இன்னும் நெல்லை மாவட்ட, கன்யாகுமரி மாவட்ட பதிவர்கள் கவனத்திற்கு, நாஞ்சில்மனோ புயல் [[யாருலேய் அங்கே குனியுறது]] வரும் ஒன்னாம் தேதி மும்பையில் மையம் "கொல்கிறது" எனவே எப்போ வேண்டுமானாலும் பதிவர் சந்திப்பு வையுங்கள் [[ஜூன் மாசம்]] நான் உள்ளேன் ஐயா என பறந்து வருகிறேன் ஹி ஹி ஹி ஹி....