பெயர் புராணம் நாங்களும் சொல்லுவோம்ல...

நம்ம கக்கு-மாணிக்கம் அவர்களின் வேண்டுகோளுக்கு இணங்க நானும் எனது பெயர் புராணம் சொல்லி [[தேவையாடா]] புண்ணியத்தை கூட்டிகிடலாமுன்னு இருக்கேன் [[கல்லை தூக்காதீங்க]] 

 

என்னுடைய உண்மையான பெயர் மனாசே, இது எனது அப்பா அம்மா இட்ட பெயர், எனது  மூத்த அண்ணன் அந்த பெயரோடு எங்க தாத்தா பெயரையும் சேர்த்து மனாசே வேதமணி [வேலாயுதம்] என வைத்தான் அது எடுபடாமல் போயி மனாசே என எல்லோரும் அழைத்தனர். கிறிஸ்தவர் அல்லாதோர் இப்பெயரை உச்சரிக்க முடியாமல் சிலர் மனீசி மனுஷா மனூஸ் [லூசு'ன்னு சொல்லாம விட்டாங்களே] மனசே இப்பிடி கூப்புட்டு என் பெயர் அல்லோலகல்லோல பட்டது.

அப்புறம் மும்பை வாழ்க்கை அங்கே என் பேர் யாருக்குமே உச்சரிக்க முடியாமல் போனதால் நண்பர்களே என் பெயரை மனோஜ் என மாற்றி அழைக்க தொடங்கினர். மனோஜ் என்ற பெயர் பிரபலமானது போலீஸ் ஸ்டேசன் வரை [பில்டப்பை பாரு மிதி வாங்குனதுதான் உலகத்துக்கே தெரியுமே]

அப்புறம் கல்யாணம் ஆனதும் பெண் வீட்டில் அந்த பெயரையும் [என்ன கஷ்டமோ] சுருக்கி மனோ ஆக்கி விட்டார்கள். இப்போ எங்க வீட்டம்மா குடும்பத்து சிறியோர் முதல் பெரியோர் வரை எல்லோரும் என்னை பெயர் சொல்லித்தான் உறவை சொல்லுவார்கள். உதாரணம் மனோ மாமா, மனோ சித்தப்பா....

நண்பர்கள் வட்டத்தில் மனோஜ் பெயர் இன்றும் பஹ்ரைன் வரை தொடர்கிறது. மனோ என்ற பெயர் இன்றும் தொடர்கிறது என் வீட்டம்மா குடும்பத்தோடு சேர்ந்து பதிவுலகம் வரை...

அப்போ அதென்ன நாஞ்சில் மனோ? [ஹே ஹே ஹே ஹே ஹே]

நான் பதிவுலகம் வருமுன் நம்ம நாஞ்சில் எக்ஸ்பிரஸ் பிரதாப் கூட அடிக்கடி மெயிலில் பேசி கொண்டிருக்கும் போது, செய்தி எழுதி விட்டு கீழே நட்புடன் மனோ என்று போடுவது வழக்கம். ஒரு நாள் அவர்தான் சொன்னார் நீங்க ஒரு பிளாக் ஒப்பன் பண்ணுங்க என்று [இப்போ நான் போட்டு அறுக்குறது தெரிஞ்சி தலை தெறிக்க ஓடியே விட்டார் பாவம்] நாஞ்சில் மனோ என்ற பெயர் நல்லா இருக்குனு சொல்லி வாழ்த்தினார் மனுஷன். அன்னைக்கு பிடிச்சதுதான் இந்த பீடை... பேஸ்புக்'கையும் பிளாக்கையும் விடாம நாரடிச்சிட்டு இருக்கேன் [மன்னிச்சிகொங்கப்பா]

ஆக எனது அம்மா அப்பா சகோதர சகோதரிகள் மனாசே எனவும், நண்பர்கள் மனோஜ் எனவும் என் மனைவி குடும்பத்தாரும் பதிவுலகமும் மனோ எனவும், நாஞ்சில் எனவும் அன்புடன் அழைக்கிறார்கள்.

கக்கு மக்கா போதுமா....?

அடுத்து கக்குவின் கேள்வி [பலரின்] நாஞ்சில் என்பதின் அர்த்தம் என்ன..?

வயலும் வயல் சார்ந்த இடமும் உழவர் பூமி ஆகும். அது கன்யாகுமரி மாவட்டத்தில் அதிகம் உள்ளதால் நாஞ்சில் நாடு எனபட்டது. எனவேதான் அங்கிருந்து வந்தவர்கள் நாஞ்சில் மனோகரன், நாஞ்சில் சம்பத், நாஞ்சில் நாடன், நாஞ்சில் எக்ஸ்பிரஸ், நாஞ்சில் குமரன் என பெயரில் சேர்த்து கொண்டார்கள். வேறே எதுவும்  காரணம் இருந்தால் பின்னூட்டத்தில் தெரிய படுத்துங்கள்