எலியின் கலவரம்

எங்க ஹோட்டல்  [பஹ்ரைன்] கார் பார்க்கிங்க்ல ஒரு நூறு காராவது பார்க் செய்யலாம். அப்படி ஒரு நாள் ஒரு அறுவது கார்களுக்கு மேலாக பார்க் செய்யபட்டிருந்தது அதில் என் அரபி முதலாளியின் பி எம்  டபள்யூ காரும் பார்க் செய்ய பட்டிருந்தது. ஒரு நாள் அலறியபடி முதலாளி ஓடி வந்தான். என் காரின் ஒயர்களை எலி கட் பண்ணி விட்டது என்றான். பாருய்யா நீ ஒழுங்கா சம்பளம் குடுக்காதது எலிக்கு கூட தெரிஞ்சிருக்குன்னு சொன்னேன். என்னை ஒரு மாதிரியா பார்த்துட்டு போனான் [ஹே ஹே ஹே நாம யாரு கேப்புல சிந்து பாடுவோம்ல] ஆனால் எனக்கு ஒரு சந்தேகம். இத்தனை கார்களுக்கு மத்தியில இவன் காரை மட்டும் எலி குடலை உருவி இருக்கே......!!!!???

 

இன்னொரு நாள்...

நான் : சார் இங்கே நிலவரம் கொலைவரமா மாறிகிட்டு இருக்கு எனக்கு ஒரு மாசம் லீவு தாயேன் ஊருக்கு போயிட்டு வாரேன்.

முதலாளி : [என்னை கட்டி பிடித்து கொண்டு] அப்போ நான் மட்டும் சாவனுமா....??? இல்லை நீ ஊர் போக வேண்டாம் செத்தா நாம ரெண்டு பெரும் சேர்ந்தே சாவோம். ஏன்னா நீ என் நண்பன் அல்லவா...[அவ்வ்வ்வவ்வ்வ்வ்]

நான் : நான் செத்தா என் சொந்த மண்ணில்தான் சாவேன். மும்பையில் நான் செத்தாலும் என்னை கன்யாகுமரிலதான் அடக்கம் பண்ணனும்னு என் வீட்டம்மா'கிட்டே அப்பமே சொல்லி இருக்கேன். லீவு தாயேன்...?

முதலாளி : பிசினஸ் இல்லை அதனால சம்பளமும் இல்லை [ஆறு மாசம்] போறியா....?

நான் : அவ்வவ்வ்வ்வவ்வ்வ்வ்....

இதுல நண்பன்னு வேற சொல்லுறான் கொய்யால.....

 

இங்கே [பஹ்ரைன்] நிலவரம் வர வர மோசமாகிறது. பங்காளி, பாகிஸ்தானிகளை கண்ட இடத்தில் அடிக்கிறார்கள் [ஷியா பிரிவினர்] போலீஸ் வாகனம் கொளுத்த படுகிறது. போலீசையும் அடிக்கிறார்கள். சவூதி, குவைத், கத்தார் ஆர்மிகள் பஹ்ரைன் உள்ளே வந்திருக்கிறது. கடையடைப்பு நடக்க ஆரம்பித்து விட்டது.

 

இது கவிதை அல்ல..

                                                     வளைகுடாவின்

                                                     வயிற்றில் இருக்கும்

                                                     எங்கள் இளமை

                                                     நீரில் கரைந்து

                                                     கடலில் உப்பாகிறது

                                                     எங்களை நம்பி வாழும்

                                                     ஜீவன்களுக்காய்

                                                     நாங்கள் உப்பாவது

                                                     எமக்கு பெருமையே....

 

டிஸ்கி : நண்பன் "கலியுகம்" தினேஷ்'க்கு புதன்கிழமை நிச்சயதார்த்தம் நடக்கிறது. எனக்கு மட்டற்ற மகிழ்ச்சி. நண்பர்களே வாருங்கள் வாழ்த்துவோம்.

 

டிஸ்கி : அருமை தங்கை "கவியரசி" கல்பனா ராஜேந்திரனின் "அப்பா" என்ற கவிதை என் நெஞ்சில் ஈரமாய் எப்போதும் இழையோடுகிறது. நேரமிருந்தால் படித்து பாருங்கள். பின்னூட்டம் இட வருவார். அவர் லிங்க் அதில் இருக்கும்.