தாய்லாந்த் அழகிகள்

நான் பார்மேனாக பணியில் இருக்கும் போது நடந்த ஒரு சம்பவம். எங்கள் ஹோட்டலில் பல நாட்டு அழகிகள் தங்குவது வழக்கம். பஹ்ரைனை பற்றி தெரிஞ்சவங்களுக்கு  நான் சொல்வது புரியும்.  அப்படி தாய்லாந்த் நாட்டு அழகிகளும் தங்கி இருந்தார்கள் இதில் புதிதாய் வரும் பெண்களுக்கு ஆங்கிலம் தெரியாது. இவர்கள்  கஸ்டமரோடு அமர்ந்து என்ஜாய்  பண்ணுவார்கள் நாங்கள் இவர்களுக்கு அதற்காக கமிஷன் கொடுப்போம் [[பிசினெஸ் டெக்னிக் மக்கா]] அப்படி ஒரு நாள் பிசியாக இருந்த நேரம், ஒரு எத்தியோப்பியா வெயிட்ரஸ் என்னிடம் ஓடி வந்தாள் மனோ இரண்டு தாய் பெண்கள் என்னிடம் ட்டீ காஃபீ ஆர்டர் சொல்கிறார்கள். ட்டீ ஆர் காஃபீ ன்னு நான் தெளிவா கேட்டாலும் அவர்கள் அதையே திருப்பி திருப்பி சொல்கிறார்கள் என்னவென்று நீ வந்து கேளேன் என்றாள். நான் பிஸியா இருக்கேன் வேணா ஹபீபா'கிட்டே [[வெயிட்ரஸ்]] போயி கேக்க சொல்லு என சொல்லி விட்டு எனது வேலையில் பிஸியானேன். கொஞ்ச நேரம் கழித்து ஹபீபா அலறியடித்து ஓடி வந்தாள். மனோ அவர்கள் என்ன கேட்கிறார்கள் என எனக்கு புரியவே இல்லை என்றாள் நீ வா என்றாள். சரின்னுட்டு நானும் போனேன். இரண்டு அழகிகளிடம் வந்து....

நான் : என்ன வேணும்...?

அழகி : ட்டீ காஃபீ...

நான் : டீ வேணுமா காப்பி வேணுமா?

அழகி : ட்டீ காஃபீ...

நான் : டீ வேணுமா காப்பி வேணுமா?

அழகி : ட்டீ காஃபீ...

நான் : டீ வேணுமா காப்பி வேணுமா?

அழகி : ட்டீ காஃபீ...

மண்டைய பிக்க வச்சுட்டாளுக. கவுண்டமணி பழத்துக்கு குழம்புன மாதிரி நானும் கேள்வி கேட்டேன். காப்பி வேறே டீ வேறே உங்களுக்கு எது வேணும்..?

அழகி : ட்டீ காஃபீ...

அடங்கொய்யால மதுரைக்கு வந்த சோதனை...நான் பார் கவுண்டரை நோக்கி போய் விட்டேன். கொஞ்ச நேரம் கழித்து அந்த இரண்டு அழகிகளுடன் அவர்கள் லீடர் போல ஒரு அழகியுமாக மூன்று பேர் பார் நோக்கி வந்தார்கள். நான் கொலை வெறியுடன் பார்க்க...

மூன்றாவது வந்த பெண்ணும் என்னிடம் ஹபீபி ட்டீ காஃபீ என சொல்ல மறுபடியும் குழப்படி. . . . வெயிட்ரஸ் எல்லாரும்  பார் கவுண்டர் வந்து கேள்வி பதில் கேள்வி பதில் ஐய்யய்யோ தாங்கலை...

அப்போதான் கவனிச்சேன் மூன்றாவதா வந்தாளே ஒரு அழகி அவள்  ட்டீ காஃபீ ன்னு சொல்லும் போது அவளின் கையின் விரல்கள் மூன்று மூன்று என விரிந்து மடங்கியதை கவனித்தேன். ஹா ஹா ஹா ஹா அவள் கையை பிடித்து உயர்த்தி இனி சொல்லு என்றேன். அவள் மூன்று விரல்களை காண்பித்து ட்டீ காஃபீ... என்றாள். அதின் அர்த்தம் மூன்று  காப்பி  [[ஹே ஹே ஹே ஹே]].....

"த்ரீ" காப்பி'ன்னு சொல்றதுக்கு பதில் டீ காப்பின்னு சொன்னா வெளங்குமா....