பாசம்

 ஒரே பிரச்சினையா இருக்குய்யா. பேஸ்புக் நண்பர்கள் துபாய்ல கப்பல் டிரைவரா இருக்கும் சத்யாவும், கத்தார்ல கத்தி காட்டி மிரட்டும் ராஜா இந்தியாவும் என்ன இன்னைக்கு ஆளையே காணோம்னு சொல்ல, பதிவுலகில் கமென்ட் போட்டுட்டு இருந்த நான் பேஸ்புக் பக்கம் போனேன். அப்புறம் பதிவுலகில் உள்ள நண்பர்கள் என்ன ஏரியா பக்கம் வரலியேன்னு நம்ம விக்கி உலகமும், நண்பன் கருனும், கவிதை வீதி சவ்ந்தரும் சவுண்டு விடுறாங்க.

அதான் கமெண்ட்ஸ் போடவும் பேஸ்புக்'கை நாறடிக்கவும் டைம் டேபிள் வைக்கலாமுன்னு முடிவு பண்ணிட்டேன். எனக்கு பனிரெண்டு மணி நேரம் டியூட்டி அதாவது காலை 9:00 am to 9:00pm [பஹ்ரைன் நேரம்] வரை வேலை. வேலைக்கு வந்ததும் முதல் வேலையா பாலோவரின் பதிவுகளுக்கு திட்டியோ, பாராட்டியோ கமெண்ட்ஸ் போடணும் அது 9:30 மணி முதல் மதியம் ஒரு மணி வரை தொடரும் [பேஸ்புக் பார்ட்டிகள் கவனிக்கவும்] அப்புறம் சாப்பாடு. பிறகு 2 :00 மணி முதல் இரவு 9 : ௦௦ மணி வரை பேஸ்புக் டியூட்டி என்ன ஓகே'வா...?? [[வேலை வெளங்கிரும் முதலாளியும் வெளங்கிருவான்]]

சரி இனி என்னை ரப்சரும், பாசமும்  பண்ணினவங்களோட[[நண்பெண்டா]] லிஸ்ட் சொல்லப் போறேன். இம்சை அரசன் பாபு அன்னைக்கு போட்ட போட்டோட  போனவர் போனவர்தான் இன்னும் ஆளையே காணோம். அடுத்து சி பி செந்தில்குமார் என் கூட நீங்க போனில் பேசமாட்டீங்களா வச்சிருக்கேன்னு கோபபட்டார் போன பதிவில். சரி முதல்ல ஒரு மெயில் அனுப்புவோம் அப்புறமா போன் செய்யலாம்னு நான் அனுப்பின  மெயிலும் செந்தில் அனுப்புன பதிலையும் கீழே கொடுத்துருக்கேன் பாருங்க.

நான் : 2011/2/15 tr manasey manasey <manaseytrmanasey525@gmail.com>

வணக்கம் செந்தில் எப்பிடி இருக்கீங்க சவுக்கியமா...

செந்தில் : 2011/2/16 சி.பி.செந்தில்குமார் சென்னிமலை <cpsenthilkumar20@gmail.com>

நீங்க யார்னு தெரியலையே , இருந்தாலும் ஒரு வணக்கத்தை போட்டு வைக்கிரேன்.

நான் : 011/2/16 tr manasey manasey <manaseytrmanasey525@gmail.com>

அடபாவி மக்கா நான் நாஞ்சில் மனோ ஹா ஹா ஹா ஹா.....

கலியுகம் தினேஷ் இப்பதான் வந்து என்னை பாத்துட்டு போனார்....உங்களை பற்றி சொன்னார்..

செந்தில் : 2011/2/16 சி.பி.செந்தில்குமார் சென்னிமலை <cpsenthilkumar20@gmail.com>

அட நீங்களா.. ம் ம் எபடி இருக்கீங்க.. நாலை பதிவ்ர் சந்திப்பு போஸ்ட்டா..

 பாத்தீங்களா நீங்க யாருன்னு தெரியலன்னு தெரியாத ஆளுக்கு வணக்கம் வைக்கிறதை [அவ்வவ்வ்வ்வவ்வ்வ்வ்]

அடுத்த ரப்சர் கோமாளி செல்வா பதிவுலகத்துல நம்ம எல்லார் கழுத்தையும் அருக்குறான்னா பேஸ்புக்ல நாள்தோறும் எங்களை ரத்த காட்டேரி மாதிரி கடிக்கிறதுக்கு இன்றைய அவன் மொக்கைய கீழே பாருங்க.

Selvakumar Palanisamy

மொக்கைத் தத்துவம்

வெள்ளைக் கோழி வெள்ளைக் கலர்ல முட்டை போடுதுங்கறதுக்காக,
கருப்புக் கோழி கருப்புக் கலர்ல முட்டை போட முடியாது!!

...நீதி : ஒழுங்கா படிக்கலைனா வாத்தியார் முட்டை போடுவார். (வாத்தியார் ஒழுங்காப் படிக்கலைனா இல்ல நீங்க ஒழுங்காப் படிக்கலைனா )"""

சத்தியமா இவன் என் கையில கிடச்ச அன்னைக்கு கைமா பண்ணியே புடுவேன்....இது நாள்தோறும் நடக்குற சங்கதி ஆகி போச்சு.

அடுத்து வருவதுதான் பெரிய திமிங்கலம் அது பன்னிகுட்டி ராமசாமி. போன என் பதிவுல நான் பட்ட அவஸ்தைக்கு அவரின் கமெண்ட்ஸை பாருங்க கீழே.

""பன்னிக்குட்டி ராம்சாமி said...

மக்கா நம்ம காதலர் தினப் பதிவுக்கே இப்படி கொண்டுபோய் விட்ருச்சுன்னா, நாளைக்கு கொஞ்சம் ’ஹெவி’யான பதிவு ஒண்ணு போடப் போறேனே? எதுக்கும் ஒரு கட்டிங் அடிச்சிட்டே நம்ம ப்ளாக் பக்கம் வாய்யா....... """"

படு பாவி சொன்னா மாதிரியே ஹெவி இல்லை இடியையே தலையில போடுறா மாதிரி பதிவு போட்டுருக்கார் வருங்கால முதல்வர் டாகுடர் விஜய் பற்றி [வெளங்குமா] கொஞ்சம் அந்த நாதாரி நடிப்பை பற்றி மறந்துருந்த நேரம். இவர் இந்த பதிவை போட்டு என் உறக்கத்துக்கு ஆப்பு வச்சிருக்கார். ஃபிரண்ட்ஸ் படத்துல விஜய் சிரிச்ச சிரிப்பை பார்த்து நானே போயி கீழ்பாக்கத்துல அட்மிட் ஆகலாம்னு இருந்தேன். நல்லா இருங்கடே மக்கா...

அடுத்தது சித்ரா மேடம் கமெண்ட்ஸ் பாருங்க.

""Chitra said...

:-)))"""

சத்தியமா எனக்கு ஒன்னுமே புரியலை அவ்வவ்வ்வ்வவ்வ்வ்வ்.......

அவங்க எழுத்துக்கு நான் ரசிகன். அவங்க பதிவின் மூலம் நான் இப்போது அமெரிக்காவை சுத்தி பார்த்துட்டு இருக்கேன்.

அடுத்து எங்கள் "கவிதாயினி" மதுரை பொண்ணு. தோழி சகோதரி நட்பின் ஒளி....இவங்க கவிதைய திருட ஒரு கும்பலே சுத்திட்டு இருக்கு இவங்க கவிதை ஒன்னு கீழே.

""பழகிப்போன பிரிவுகளும்..

மரத்துப்போன மனதுகளும்...
கண்மூடா உறக்கங்களும்
இடைவேளையின்றி தவிக்கின்றன..
அவளின் நினைவுகளால்.."""

இந்த கவிதையை நீங்க எப்பிடி புரிந்து உணர்ந்து கொள்வீர்களோ எனக்கு தெரியாது. ஆனால் அதின் வலியும்  உள் அர்த்தமும்  தெரிஞ்ச  எனக்கு நெஞ்சில் கண்ணீர் சொரியும்.....என் உற்ற தோழி, ஒரு நாள் பேசலைன்னா வீச்சருவாளோடு வந்துருவாங்க. பேஸ்புக் இவரை கண்டால் நடுங்கும். ஆனால் பாசமான ராட்சசி...

அடுத்து நம்ம நிவேதா வேணும் [[பெயர்தான்] பேஸ்புக்'ல என்னை ரவுன்ன்டு கட்டி அடிக்கும் டெரர். எப்பவும் என்னை அங்கிள்'ன்னு உரிமையோட கூப்பிடுவாங்க. இப்போ பஹ்ரைன்'ல பிரச்சினை நடப்பதால்..எப்பவும் என் தொடர்பில் இருங்கன்னு சொல்லி மெசேஜும் போன் நம்பரும்  வாங்கிட்டாங்க [அன்பு] நம்ம ஜெய்லானியும், நாஞ்சில் எக்ஸ்பிரஸ் பிரதாப்பும்தான் இவர் எனிமி [பாசம்] இவங்க மூணு பேரும் ஒன்னா வந்தாலே பேஸ்புக் ஐயோ அம்மான்னு அலறும். 

அடுத்து என் அன்பு தம்பி டெரர் பிரவீன் குமார். அண்ணான்னு பாசமா செல்வா மாதிரி கூப்பிடுவான். இவன் நான் என்ன செய்தாலும் சொன்னாலும் அது தப்பாகவே இருந்தாலும் எனக்குதான் சப்போட் பண்ணுவான். கட்டபொம்மனுக்கு ஒரு வெள்ளைய தேவன் மாதிரி எனக்கு இவன்.

இன்னும் நிறைய பேர் இருக்காங்க. எழுத இடமில்லை. சரி இதெல்லாம் இருக்கட்டும் என் பதிவுலகிலும் பேஸ்புக்'கிலும் இல்லாத என் நண்பர்களை நான் மிஸ் பண்ணுற மாதிரு ஒரு ஃபீலிங்க்ஸ் அது உங்களுக்கு எப்பிடி இருக்குன்னு சொல்லுங்க....

டிஸ்கி : இந்த பதிவு எழுதி டிஸ்கி எழுதும் நேரம் அமெரிக்காவில் இருந்து போன். நிவேதாவேதான் நலம் விசாரிச்சாங்க [நன்றி மக்கா] நாங்க பாதுகாப்பாய் இருக்கோம் மக்கா.....

டிஸ்கி : மேலே படத்தில் இருப்பது மதுரை பொண்ணு அல்ல...