ஜெயம் பராஜெயம்

இன்னைக்கு  காலையில கன்னியாகுமரில உள்ள என் பால்ய நண்பன் ராஜகுமாருக்கு போன் பண்ணினேன். எங்கள் பேச்சு உங்கள் பார்வைக்கு....

நான் : ஹலோ மக்கா எப்பிடி இருக்கே..?

ராஜ் : நான் நல்லா இருக்கேன் மக்கா நீ எப்பிடி இருக்க..?

நான் : நானும் நல்லா இருக்கேன் மக்கா..

ராஜ் : பஹ்ரைன் நிலவரம் எப்பிடி இருக்கு, நீ எப்போ ஊர் வாரே...?

நான் : பஹ்ரைன் நிலவரம் கொலவரமா அப்பிடிதான் இருக்கு. நான் இந்த மாசம் வந்துருவேன் மக்கா...

ராஜ் : ஓ அப்பிடியா ஓட்டு போட சீக்கிரமா வந்து சேருடே...

நான் : ஆமா எலக்ஷன் நிலைமை எப்பிடி இருக்குலேய்...?

ராஜ் : எங்களுக்கு ஜெயலலிதா ஒரு சீட் [[ஜனதாதளம்]] கூட தரவில்லை. கலைஞரை கேட்டால் இதயத்தில் இடம் தாரேன்னு சொல்றார்....

நான் : ஹா ஹா ஹா ஹா ஹா....

ராஜ் : சிரிலேய் சிரி ஹா ஹா ஹா ஹா...

நான் : ஹா ஹா ஹா அப்புறம் திமுக ஜெயிச்சுருமோ மக்கா...

ராஜ் : மண்ணாங்கட்டி...

நான் : என்னாச்சு நிறைய இலவசங்களை வாரி கொட்டுறாங்களே...

ராஜ் : மக்கா ஒரு கிலோ அரிசி ஒரு ரூபாயா இருந்தாலும், ஒரு கிலோ வத்தல் விலை தொண்ணூறு ரூபாய் இதை போல மளிகை சாமான்களும் [[இவன் மளிகை கடை வைத்து இருக்கிறான் இவன் படித்திருப்பது பிகாம்]] விலை ஏறி கிடக்குறது மக்களை வெகுவாக பாதிச்சிருக்கு அதனால திமுக அவுட்டுதான்...

நான் : ஸ்பெக்ட்ரம் மேட்டர் பாமர மக்களுக்கு தெரியாதே அவர்கள் இந்த இலவசத்துக்கு ஓட்டு போட்டுருவாங்களே...?

ராஜ் : லேய் யார் சொன்னது...நம்ம ஊர் நூற்றி ரெண்டு வயசு கிழவி பொட்டம்மைக்கு ஸ்பெக்ட்ரம் பற்றி தெரிஞ்சிருக்கு [[யம்மாடியோ]] உலகமே தெரியாத பாட்டி வரை இந்த மேட்டர் நாறி போயி கிடக்குது மக்கா....!!! அந்த கிழவி என்கிட்டே ஒரு கணக்கு கேட்டுச்சி நானே திணறி போனேன். நூற்றி இருவது கோடி மக்கள் வாழும் இடத்தில் ஒரு லட்சத்தி எழுவத்தி அஞ்சாயிரம் கோடி ரூவாய் மக்கள் பணத்தை கொள்ளை அடிச்சிருக்கான்களே ஆமா அந்த பணத்தை இந்த நூற்றி இருவது கோடி மக்களுக்கும் பங்கிட்டால் ஒரு ஆளுக்கு எம்புட்டு கிட்டும்ன்னு  சொல்லிட்டு போன்னு என்னை பிடிச்சிகிடுச்சி..எனக்கும் தெரியவில்லை ஹி ஹி ஹி ஹி [[நீயெல்லாம் படிச்சவனா த்தூ த்தூ]] ஸோ மக்கள் ரொம்ப தெளிவா இருக்காங்க மக்கா...

நான் : ஆச்சர்யமாக "அப்பிடியா..?

ராஜ் : என்ன நொப்பிடியா வாயை மூடு. அப்புறம் உனக்கு விஷயம் தெரியுமா நம்ம சுசீந்திரம் போலீஸ் ஸ்டேசன் பக்கத்துல கோடிக்கணக்கான பண கட்டுகளை பீஸ் பீசா வெட்டி எறிஞ்சிட்டு போயிருக்காணுக தேர்தல் கமிஷனுக்கு பயந்து...

இடை டிஸ்கி : நம்ம இம்சை அரசன் பாபு'வின் பக்கத்து ஊர்தான் சுசீந்திரம். எலேய் மக்கா பாபு உங்க ஊர்ல இம்புட்டு பெரிய பண முதலைங்க இருக்காங்களோ ஆத்தீ...

நான் :  பணத்தை போட்டவன் முழுசா போடாம இப்பிடி வெட்டி எரிஞ்சிருக்கான்னா அதன் அர்த்தம் "எனக்கு இல்லாதது எவனுக்கும் இல்லாம போகணும்" என்ற அர்த்தம்தானே....

ராஜ் : ஆமாம் அப்பிடிதான்.... ஆக திமுக தோர்ப்பது உறுதி ஆகிவிட்டது....

அவனே தொடர்ந்து மக்கா உனக்கு இன்னொரு விஷயம் தெரியுமா அதாவது, இந்தியன் ரயில்வே துறையை தனியார் மயமாக்கினால் அதை வாங்க சன் பிரதர்ஸ் ரெடியாக இருக்கிறார்களாம் இது கூட பாமர மக்களுக்கு தெரிஞ்சிருக்கு....

நான் : அப்போ கலைஞர் குடுத்த இலவச டிவி மூலமாவே பாமர மக்கள் தெளிவடஞ்சிருக்காங்க போல சரியா...

ராஜ் : ஆமா சொந்த செலவுலேயே சூனியம் வச்சிருக்கார் அய்யா....சரி நீ சீக்கிரம் ஊர் வந்து சேருடே..

நான் : சரி மக்கா வச்சிரட்டுமா...

டொக்...

டிஸ்கி : மக்களே ஊர்ல நீங்க வெளியே போகும் போது ரோட்டின் இரு பக்கங்களையும் கவனமாக சோதித்து பாருங்கள் ஒரு வேளை  பணமூட்டைகள் கிடைக்க வாய்ப்பு இருக்கு 13 ஆம் தேதி வரை....