அரபிகளின் ஓட்டம்

ஆரம்ப காலகட்டத்தில் நான் டிரைனிங் வெயிட்டராக  [பஹ்ரைன்] பணியில் இருந்த சமயம் நடந்த சம்பவம். எங்கள் ஹோட்டலில் அவுட்டோர்  கேட்டரிங் உண்டு. எங்கள் ஹோட்டலில் goozi  எனப்படும் முழு ஆட்டை அவித்து ஒரு மாதிரியான ஸ்டைலில் சமைப்பார்கள். அது பஹ்ரைன் அரபி ஷேக்'குகள் மத்தியில் எங்கள் அயிட்டத்துக்கு நல்ல வரவேற்ப்பு உண்டு. அப்போது ஒரு அரபி ஷேக் வீட்டில் அவுட்டோர் கேட்டரிங் ஆர்டர் வந்தது. நூறு பேருக்கான அரேஞ்மென்ட். 

என்னை கேப்டனாக பிரமோட் பண்ணி ஏற்பாடு பண்ண சொன்னார் எஃப் & பி மேனேஜர். மொத்தம் பத்து வெயிட்டர் தேவை இருப்பதோ ஒன்பது பேர்தான் இருந்தார்கள். ஆனால் இன்னுமொரு பங்களாதேஷ் வெயிட்டர் இருந்தான் அவனை வெளியே எங்கேயும் பார்ட்டிக்கு அனுப்பமாட்டார்கள் காரணம் ரொம்ப ரஃப்பா நடந்து கொள்வான். அன்று வேறு வழி இல்லாமல் நான் சமாளித்து கொள்கிறேன்னு கூட்டிட்டு போனேன் [[பிரமொஷனையே நாசம் பண்ணுவான்னு அப்போ எனக்கு தெரியாம போச்சி]] மேனேஜர் அவனிடம் சொல்லியே அனுப்பினார் மனோஜ் என்ன சொல்கிறானோ அதன் படி நடக்க வேண்டும் இல்லையெனில் பனிஷ்மென்ட் உண்டு ஜாக்குரதன்னு.

ஷேக் [[கமர்ஷியல் மினிஸ்டர்]] வீட்டின் முன்புறமுள்ள கார்டனில் புஃபே டின்னர். நான் நான்கு கவுன்டராக பிரித்து செட் பண்ண சொன்னேன் நம்ம பங்காளியை வாட்ச் பண்ணிட்டேதான் இருந்தேன். திடீரேனே ஷேக் ஓடி வந்து இங்கே மேனேஜர் யாருன்னு கேட்டார். நாந்தான்னு சொன்னேன். என்னை கூட்டிக்கொண்டு போயி கார்டனில் வளர்க்கும் தேனீக்கள் எந்தெந்த செடியின் கீழ் இருக்கிறது என்பதை காண்பித்து சொன்னார் சர்வ ஜாக்கிரதையாக இருக்கும் படி சொன்னார். நானும் ஓகே சார் நான் மேனேஜ் பண்ணிக்குறேன்னு சொன்னேன். உடனே எனக்கு பங்காளி நியாபகம்தான் வந்தது. நான் எல்லா ஸ்டாஃபையும் அழைத்து தேனீக்கள் இருக்கும் இடத்தையும் நாம் எப்பிடி நடந்தால் அவைகள் அமைதியாக இருக்கும் என்பதையும் சொல்லி விளக்கினேன். அப்புறமா பங்காளியை தனியே கூப்பிட்டு, நாசர் ரொம்ப கவனமா இரு என்ன ஆனாலும் தேனீக்கள் இருக்கும் பக்கம் நீ போகவே கூடாது இது என் ஆர்டர் என சொன்னேன் அவனும் ஓகே சார்'ன்னு விரச்சிகிட்டே சொன்னான்.

அப்புறம் புஃபே கவுன்டர் ரெடி பண்ணினார்கள். சாப்பாடும் ஸ்டார்ட் ஆகிருச்சி ஆனால் நான் மட்டும் பங்காளியை வாட்ச் பண்ணிட்டே இருந்தேன். பாழாய் போனவன் எப்பவும் தேனீ பக்கம்தான் ஓடிட்டு இருந்தான். நான் ஓடி ஓடி போயி அவனை தடுப்பேன். எனக்கு அவனோடு போராடுற போராட்டமே இனி இவனை எங்கேயும் கொண்டு போக கூடாதுன்னு கருமிகிட்டேன்.

கிளைமாக்ஸ் வந்துச்சு, அரபி ஷேக்குகள் சந்தோஷமாக ரசிச்சி சாப்புட்டுட்டு இருந்தாங்க அவர்களும் சாப்பாட்டை முடித்து விட்டு இனிப்பு வகைகள் சாப்புட்டு இருக்கும் போது அது நடந்தது. பங்காளி என்னை விட கொஞ்சம் தூரத்தில் இருந்தான். நான் அவனை வாட்ச் பண்ணிட்டுதான் இருந்தேன். அவன் ஒரு பெரிய பாத்திரத்தில் [[செப்பண்டிஸ்] இருந்த சுடு தண்ணியை கொஞ்சம் தூரமாக வீசி எறிந்தான். நானும் பிள்ளை நல்லா வேலை செய்கிறான்னு நினைக்கவும் அதிர்ந்து போனேன் அவ்வவ்வ்வ்வ்....... அவன் சுடு தண்ணி வீசினது தேனீக்கள் இருக்கும் பக்கம். ஐயோ தேனீக்கள் படையெடுக்க ஓடுன ஓட்டம் இருக்கே [[எங்களை விடுங்க]] அரபி ஷேக்குகள் ஓடின ஓட்டம் இருக்கே இப்போ நினச்சாலும் வயிறு குலுங்க சிரிப்பு வரும். ஆமாங்க பாம்ப் போட்டா எப்பிடி ஓடுவீங்க அதே ஸீன்'தான் நடந்துச்சி.

நாங்களும் துண்டை காணோம் துணியை காணோம்னு ஓடி வெளியே வந்துட்டோம். நான் பங்காளியை திட்டோ திட்டுன்னு திட்டினேன். என்னடா இப்பிடி பண்ணுனேன்னு அதுக்கு அவன் கூலா சொல்லுறான் நீ என்னைத்தானே அங்கே போகாதேன்னு சொன்னே தண்ணி ஊத்த கூடாதுன்னு [[ அவ்வ்வ்வவ்]] சொல்லலையே....

அப்புறம் மேனேஜருகிட்டே பாராட்டு பத்திரம் வாங்கி டவுசர் கிழிஞ்சது தனிகதை....