மாங்காய் களவாண்ட பதிவர்.....!!!

போனதடவை குடும்பமாக ஊர் [[கன்னியாகுமரி]] போனபோது, எங்கள் வீடு மாங்காயா நிறைஞ்சி இருந்துட்டு இருந்துச்சு, இதை கவனித்த நான் என் மகனிடம் கேட்டேன் எப்பிடிடா இம்புட்டு மாங்காய்'ன்னு அவன் சொன்னான் களவாண்டுட்டு வந்ததுன்னு [[அவ்வ்வ்வ்வ்]]

என் அண்ணன்கள் மகன்களும் இவனுமா சேர்ந்து கொள்ளை அடிச்சிட்டு இருந்தவனை கண்டித்தேன், அப்போ அருகில் இருந்த எங்க அம்மா, நீ மட்டும் என்ன பெரிய உத்தமனா..??? அன்னைக்கு நீ செய்ததை இன்னைக்கு உம்மொவன் செய்யுறான்னு போட்டு குடுக்க, என் மகன் என்னை ஒரு மாதிரியா பார்த்தானே பாக்கணும் ஹி ஹி...

ஒருநாள் நானும் நண்பன் ராஜகுமாரும், மற்றும் நண்பர்களும் எங்கள் ஊர் பாலத்தில் இருந்து பேசிட்டு இருக்கும்போது, என் மகன்கள் மாங்காய் களவாண்டுட்டு வாரதை பார்த்துட்டு சொன்னேன், டேய் தோப்புகாராணுவ பார்த்தனுகன்னா சின்னபிள்ளை'ன்னு பார்க்கமாட்டாணுக அடிச்சு புடுவானுகடா'ன்னு சொல்லி மிகவும் கண்டித்தேன்.

இதை கேட்ட நண்பர்கள் பலமாக சிரித்து கொண்டே, சொன்னார்கள் மக்கா நாமளும் இந்த வயசுல இப்படிதான் களவாண்டோம் நினைவிருக்கா'ன்னு சொல்லவும், மறுபடியும் என் மகன் என்னைப்பார்த்து முறைச்ச முறைப்பு இருக்கே அவ்வ்வ்வ்வ்....

பிறகு ராஜகுமார் சொன்னான், மக்கா சின்னபசங்க லேசுல பிடி அம்புடமாட்டாங்க தோப்புகாரன் கையிலே, ஓடிருவாணுக, என்ன, இன்னாருன்னு தெரிஞ்சிட்டா பஞ்சாயத்து நம்மகிட்டேதானே வரும் அப்போ பார்த்துக்கலாம் என்று டென்ஷனை குறைத்தான்.

இப்போ உன்னையே எடுத்துக்க, சின்னபிள்ளையில நீ களவாங்காத மாந்தோப்பு உண்டா சொல்லு, எத்தனை தடவை உன்னை ஓட ஓட விரட்டியும் நீ அவனுக கையில அம்புடலையே நினைச்சுப்பார்'ன்னு சொல்லவும் பிளாஷ் பேக் ஆரம்பம், அப்பிடியே மேலே பாருங்க விட்டத்தை.....

எட்டாம் கிளாஸ் படிக்கும் போது நானும் நண்பன் பால்ராஜும், மகேஷும் மாங்காய் களவாங்க போனோம் ஒரு தோப்புக்கு, அந்த மாந்தொப்பில்தான் இனிப்பு மாங்காய் கொத்து கொத்தா காச்சி கிடக்கும், ஆனால் வேலி பலமாக போட்டு கேட் போட்டு இருந்தார்கள்.

மாந்தோப்புக்கு சொந்தக்காரன் ஒரு முன் கோபி, சற்று நொண்டி நடப்பார், எப்போதும் தீட்டிய அருவாலோடுதான் வலம் வருவார், கூடவே ஒரு முரட்டு நாயும் வரும்.

மதியம் நேரம் நாங்கள் மூவரும் கேட் ஏறிசாடி மாமரத்தில் ஏறிவிட்டோம், தோட்டக்காரன் வரமாட்டான்னு சந்தோஷத்துல மாங்காய் பறிச்சு தின்னுட்டு இருக்கும் போதே தோட்டக்காரன் சைக்கிளில் வந்து இறங்க, கூடவே நாயும்.....

கேட்டை திறந்து உள்ளேவரவும் பயந்து போன மகேஷ் நேரே கீழே குதித்து ஓட, நாய் அவன் பின்னாடி ஓட, தோட்டக்காரனுக்கு ஓடமுடியாது, திட்டுறான் திட்டு அம்புட்டு திட்டு, இதைக்கேட்டு பயந்த பால்ராஜ் அடுத்து கீழே குதிக்க நாய் கன்பியூஷன் ஆக, நாய் இவன் பின்னாடி ஓட......

நான் மேலே மரத்தோடு மரமா ஒட்டி ஒளிஞ்சிகிட்டேன். ஒருவழியா அவனுக ரெண்டுபேரும் தப்பிச்சிட்டாணுக, தோட்டக்காரன் வந்து மறுபடியும் மரத்தை பார்த்தான், என்னை காணாமல் திட்டிக்கொண்டே அவன் வேலையை கவனிக்க போனான், நாயும் அவன் பின்னாடியே போனது.

நானும் அவன் போகட்டும் அப்புறமா இறங்கலாம்னு நினைக்கும் போதே, நாய்க்கு வாசம் தெரிஞ்சிட்டது நான் மேலே இருப்பது, வேகமா ஓடிவந்து மரத்தை சுத்த ஆரம்பிச்சது, அவ்வ்வ்வ் என்னை கண்டு பிடிச்சி குரைக்க ஆரம்பிச்சதும் தோட்டக்காரன் அருவாளை கையில் எடுக்கவும்...

நாய்கடியை விட அருவா டேஞ்சர்டோன்னு மேலே இருந்து நாய் மேலேயே குதிக்கவும் நாய் சற்று பின்வாங்கியதும், பிடிச்சேன் பாருங்க ஓட்டம், நாயும் பயங்கரமா துரத்த, தோட்டக்காரன் அருவாளை எடுத்து வீச, அருவா என்னை டச் பண்ணி கீழே விழுந்தது, நல்லவேளை காயமில்லை...

இப்போ நாய்க்கும் எனக்கும்தான் கடுமையான ஓட்டம், ஆத்தி கடிச்சுதுன்னா அஞ்சி கிலோ கறியை புடுங்கிருமே, அந்த பெரிய வேலியை எப்பிடித்தான் தாண்டினேன்'ன்னு இப்பவும் ஆச்சர்யமா இருக்கு, நாயும் பின்னால ஜம்ப் பண்ணி வேலிக்கு நடுவுல நெளிஞ்சிட்டு கிடந்தது. [[இப்பவும் அந்த வேலி இருக்கு]]

வெளியே ஒளிந்து கொண்டிருந்த நண்பர்கள் என்னை கண்டதும், ஓடிவர மூனுபேருமா ஓட்டம் பிடித்தோம் வீட்டுக்கு, அந்த கலவரத்துலையும் நான்கு மாங்காய் பாக்கட்டுகுள்ளே பத்திரமா வச்சிருந்தேன்.

மலரும் நினைவுகள், சிரிப்பா சிரிக்குது போங்க.....!!!


டிஸ்கி : இன்ட்லி'ல ஓட்டு போடுறவுங்க இன்ட்லியை கிளிக் செய்துட்டு அதில் "பரிந்துரை"ன்னு இருப்பதை கிளிக் பண்ணீங்கன்னா ஓட்டு விழுந்துரும்.


"மனோ"தத்துவம் : எம்புட்டுதான் கல்லெரிஞ்சாலும் விழுற மாங்காய்'தான் விழும்.