கலியுகம் திரும்பி வந்தது

ரெண்டு நாள் முன்னாடி ஒரு பதிவில், சிபி'யின் கமெண்ட்ஸ் படிச்சிட்டு இருந்தேன் காபி குடித்தவாறே, அவனின் ஒரு கமேண்ட்சை படிக்கும் போது சிரிப்பு பொத்து கொண்டு வெளியே வர, காபி'யும் வெளியே வந்துருச்சி, கம்பியூட்டர் கீபோர்டு நாறி ஸாரி நனைஞ்சி போச்சு. போதாதுக்கு பதட்டத்துல கையில இருந்த காபியும் கீபோர்டில் விழ, எல்லாநாளும் விரலாலேதானே நம்மை அடிப்பான் இன்னைக்கு எதோ ஒரு திரவத்தை நம்மீது ஊத்துரானே என அலறி அடங்கி மடிந்து போனது என் செல்லம். 

இம்புட்டு நாள் எனக்கு உதவியதுக்கு நன்றி நண்பா....

இந்த பிரச்சினையினால்'தான் எனக்கு உங்களை படுத்த, ஸாரி பார்க்க வர முடியவில்லை [ம்ஹும் வந்துட்டாலும்] நான் மீண்டு[ம்] வந்ததால் இனி பதிவுலகம் மெல்ல வாழும் ஹி ஹி ஹி ஹி  [[எவம்லேய் அங்கே கல்லெடுக்க குனியுறது]]

நீதி : இனி யாரும் கம்பியூட்டர் முன்னாடி எதுவும் அருந்திகொண்டு அமராதீர்கள். எக்கணமும் சிபி போன்ற எருமைகளின் கமெண்ட்ஸ்'களின் அட்டாக்கால், நாம் சிரிப்பது மட்டுமில்லை. கம்பியூட்டரும் பல்லிளித்து விடும். [[ம்ஹும் நாங்களும் நீதி  செப்புவோம்ல]]

அடுத்து, நண்பன் "கலியுகம்"தினேஷ் திடீரேனே முந்தாநாள் போன் செய்தார். அண்ணே நான் நாளை பஹ்ரைன் வாறேம்னே ஏர்போர்ட்டுக்கு வண்டி அனுப்புங்கண்ணே என்று, எனக்கு ஷாக். யோவ் போனமாசம்தானேய்யா கல்யாணமே ஆச்சு என்ன அதுக்குள்ளே அவசரம்...??? கம்பெனி அவசரமாக அழைப்பதாயும், ஃபேமிலி விசா தருவதாகவும் சொன்னார். அப்போ சரி வாங்க வண்டி அனுப்புறது என்ன நானே வாறேன் ரிசீவ் பண்ண என சொன்னேன்.

நேற்றுகாலை காலை எட்டரைக்கு ஃபிளைட் லேண்ட் ஆக நான் ஏர்போர்ட் போகுமுன் தம்பி பிளேன்ல இருந்து சாடிவிட்டார், ஸாரி ஹி ஹி இறங்கிவிட்டார். அவரை பிக்கப் செய்து வரும் வழியில் பேசிக்கொண்டே வந்தோம், மிக்க கவலையாக இருந்தார், மனைவியை பிரிந்த துக்கம் நான் கலகல என பேச்சை மாற்றிக்கொண்டே வந்தேன். ரெண்டுநாள் ஆச்சுன்னா எல்லாம் சரியா போகும் மக்கா என்று.

குடும்ப விசா கிடைப்பதால் சந்தோசம்தானே, பாஸ்போர்ட் கிடைக்கத்தான் கொஞ்சம் இழுபறி மீன்ஸ் தாமதம் ஆகிறது, பாஸ்போர்ட் கிடைத்து விட்டால், விசா ஒரே வாரத்தில் ரெடியாகி விடும். எனக்கும் கவலையாகத்தான் இருந்தது, மனைவியை பிரிந்து செல்லும் வேதனை என்னவென்று எனக்கு நல்லாவே தெரியும். தம்பியின் குடும்பம் இங்கே வந்து நண்பனுடன் சேர்ந்து வாழ என்னாலான எல்லா முயற்சியும் செய்வேன்.......'பிரிவு என்பது உறவுக்காகத்தான்" இல்லையா....நண்பனின் மனைவி விரைவில் அவருடன் வந்து சேர பிரார்த்திப்போம்.

டிஸ்கி : மூணாவது போட்டோ பஹ்ரைன் ஏர்போர்ட்.