உனக்கு நான் மாப்பிளையா இல்ல அவன் மாப்பிளையா.? நடந்தது என்ன...?

பயணங்கள் முடிவதில்லை.......

மனோ நீங்க ஆவலோடு எதிர்பார்க்கும் சண்முகபாண்டி [[அருவாபாண்டி]] வந்துகொண்டிருக்கிறார் பராக் பராக் என்றார், நானும் ஆளு நாம சிபி அண்ணன் ரேஞ்சுக்கு இருப்பார்னு பார்த்தால்....

[[உண்மை பெயர் ராஜேஷ், என் கற்பனை பெயர்தான் சண்முகபண்டி]] ஒரு பார்சலை கொண்டு வந்தார் ஆபீசர் அறிமுகப்படுத்தினார், என்னை பார்த்ததும் ரொம்ப குஷி ஆகிட்டார், ஒருவேளை என்னை ரொம்ப ரஃ பான ஆளுன்னு தம்பி நினச்சிட்டு, பச்சபுள்ள அளவுக்கு ஜாலியா இருப்பதை நினைச்சு குஷி ஆகிட்டாரோ ஹி ஹி...

ஆளு ரொம்ப சிம்பிள் நம்ம செல்வா [[கோமாளி]] வயசுதான் இருக்கும், ஜிம் போயிட்டு இருக்கார் ஜெம ஜிம் பாடி, திவானந்தா சாமிகளின் அடியாளும், சிஷ்யனும் கூட....

[[குரங்குகளுக்கு முறுக்கு போட்டுகொண்டு இருக்கிறார், விஜயன் போட்டோ எடுப்பதற்காக]]

ஆனால் அடிக்கடி ஊருக்குள்ளே ராத்திரி ஒரு மணிக்கு அடுத்தடுத்த வீடுகளுக்குள் புகுந்துட்டு தலைதெறிக்க ஓடி வருவாராம், எதுக்குலேய் இந்த நேரத்துல இப்பிடி ஓடி வருதே'ன்னு கேட்டா இல்லை பைப்புல தண்ணி வருதான்னு பாக்கப்போனேன்னு சொல்வாராம் [[ திவானந்தா சாமிகளின் சிஷ்யன் ஆச்சே ம்ஹும்]]

[[கடும் கற்பாறையில் பூத்த பூ, விஜயனின் கைவண்ணம் சூப்பர்...!!!]]

சரி எழு மணிக்கு பாவநாசம் கிளம்புவதாக இருந்தது கார் சற்று தாமதம் ஆனதால் கவுசல்யாவை வீட்டுக்கு புறப்பட சொன்னோம், நல்லா இன்பமாக பேசி மகிழ்ந்திருந்த மகிழ்ச்சியில் சிறு குழந்தையாக மாறி இருந்தார், நாங்களும்தான்....!!!

[[கல்தவளை]]

கவுசல்யாவை வழி அனுப்பிவிட்டு காரில் ஏறி அமரவும், கார் சீறியது சின்ன சின்ன தெருவாக, அன்றைக்குத்தான் நெல்லையப்பர் கோவிலை பார்த்தேன், ஆபீசர் காட்டி தந்தார், கார் போகும் பாதையெல்லாம் எல்லா இடங்களையும் விவரமாக முன் சீட்டில் அமர்ந்தவாறு சொல்லிக்கொண்டே வந்தார்....

சவேரா காரில் நடு சீட்டில் நானும் விஜயனும், பின் சீட்டில் சண்முகபாண்டியும், திவானந்தாவும் அமர்ந்திருந்தோம், என்னன்ன சாப்பாடுகள் வேண்டும் என்று ஆர்டர்கள் பறந்து கொண்டிருந்தது போனில்...!!!

இடையில் ஒரு ஹோட்டல் முன்பு கார் நின்றது, அங்கே இருந்து சிக்கன் கறியும், சப்பாத்தியும் இன்னும் பிற சாப்பாட்டு ஆயிட்டங்களும் காரில் வலுகட்டாயமாக ஏற்றப்பட்டன, ஏற்றியவர் சுதன் என்ற நம்ம நண்பர்களின் உயிர் நண்பர், பரஸ்பரம் அறிமுகப்படுத்தினார் ஆபீசர்.

அவரும் காரில் ஏறிக்கொண்டார் சுதனை பார்க்க அதிமுக ஆள் மகாதேவன் போல இருக்கிறார், சும்மா ஆஜானுபாவாக, முன்பு ஒரு நாளைக்கு இரண்டு ஃபுல் சரக்கு அடிப்பாராம், ஆனால் தற்போது சுத்தமாக விட்டுவிட்டாராம் [[வாழ்த்துக்கள் சுதன்]]

சவேரா கார் அதிவேகமாக சறுக்கியது நெடுஞ்சாலையில், ராத்திரி நேரமாக இருந்தபடியால் அக்கம் பக்கம் பற்றி ஆபீசர் விவரித்தாலும் கண்களுக்கு தெரியவில்லை, நாளை பகலில் வரும்போது தெளிவாக பார்த்து கொள்ளல்லாம் என்று சற்று அலைச்சலின் மயக்கத்தில் இருந்தேன் ஆபீசர் உசுப்பிகொன்டே வந்தார்.

[[அருவியில் குளித்து விட்டு ரிலாக்ஸ்]]

நம்ம திவானந்தா சாமிகள் பற்றி சுவாரஸ்யமான தகவல் ஒன்றை ஆபீசர் சொன்னார், அதாவது குறைந்தது ஒரு ஐம்பது அறுபது பெண்களுக்காவது நான்தான் அவள் மாப்பிளை என்று சீரியஸாக இருக்கும் வியாதி [[உயிர் போகும் நிலை]] உள்ளவர்களுக்கு ஆஸ்பத்திரியில் கையெழுத்து போட்டுள்ளாராம்....!!!

[[சத்தியமா இவர் போட்டுருக்குறது என் கண்ணாடின்னு நான் சொல்லவே மாட்டேன்]]

ஆபரேஷன் எல்லாம் முடிந்து இவர் கட்டிய பணத்தை கூட கொடுக்காமல் ஓடியவர்கள் உண்டாம், சரி நமக்கு இதுவும் புண்ணியமாகவே இருக்கும், ஒரு உயிரை காப்பாற்றினோமே என்று சமாதானம் சொல்லி கொள்வாராம்....!

[[லேசாக தடுக்கினால் அதள பாதாளம் தைரியமாக உட்கார்ந்து இருக்கிறார் நம்ம சுவாமிகள்]]

ஒருநாள் ஒரு பெண்ணுக்கு வயிற்றில் கட்டி, உடன் ஆபரேஷன் செய்யாவிட்டால் உயிருக்கு உத்தரவாதமில்லை என டாக்டர்கள் கூற, அந்த பெண்ணுடன் அவர் மகளும் வந்திருந்தாளாம், திவானந்தாவிடம் உதவி கேட்க....[[திவானந்தாவுக்கு டாக்டர் நண்பர்கள் அதிகமாம்]] 

[[அருவியில் குளிக்க ஆயத்தமாகிறார் சுவாமிகள்]]

அவரும் ஆஸ்பத்திரியில் அட்மிட் பண்ண அங்கே அந்த பெண்ணின் மாப்பிளை கையெழுத்து கேட்க, மாப்பிளை உடனே வரமுடியாத நிலை, இங்கே கையெழுத்து போடலைன்னா உயிர்போகும் நிலை, பார்த்தார் நம்ம திவானந்தா நான்தான்ய்யா அவள் மாப்பிளைன்னு கையெழுத்து போட்டு உயிரை காப்பாற்றி இருக்கிறார்...!

[[இலையே இல்லாத பூச்செடி, திவானந்தா கழுத்து பக்கம் தெரிவது சண்முகபாண்டியின் கைகள்]]

அடுத்தநாள் ஆஸ்பத்திரி வந்த மாப்பிளை, பொண்டாட்டி நலமாக இருப்பதை தெரிந்து கொண்டு மகளிடம் கேட்டு இருக்கிறார், ஆமா ஆபரேஷன் செய்யனும்னா என் கையெழுத்து வேணுமே இவங்க எப்படி ஆபரேஷன் செய்தார்கள் என கேட்க, மகள் திவானந்தா பெயரை சொல்ல, கடுப்பானவன் அங்கேயே சண்டை போட்டுருக்கான் உனக்கு நான் மாப்பிளையா இல்லை அவன் மாப்பிளையா என்று ஒரு கலவரமே பண்ணி இருக்கான்...!!

[[சுவாமிகளின் காதில் பூ சுற்றல் நடக்கிறது]]

கொய்யால உன் பொண்டாட்டி உயிரை காப்பாத்துனதுக்கு நன்றி சொல்வியா அதைவிட்டுட்டு ராஸ்கல், திவானந்தா நல்ல மனசுக்காரன்ய்யா.....!!!

கார் இன்னும் வேகமாக சறுக்கும்.........

டிஸ்கி : போன பதிவு கொஞ்சம் [[நிறைய]] நீளமாகி போனதால் விக்கி என்ற பக்கி, இன்னும் ஒரு நாய் நக்கி என்ற பக்கி'யாலும் சுருக்கமாக சொல்லுறேன் கொஞ்ச கொஞ்சமாக....

டிஸ்கி : போட்டோக்களுக்கு நன்றி விஜயன்...!