அரபியின் ரோதனை

நான் பார்மேனாக பணியாற்றிய சமயம், பார் கவுன்டரில் உக்கார்ந்து குடிக்க வசதியாக ஸ்டூல் போன்ற சுழலும் இருக்கைகள் உண்டு, சவூதி அரபிகள் வந்து உட்கார்ந்து கொண்டு குடித்து விட்டு பண்ணும் அலப்பறை தாங்க முடியாததாக இருக்கும். சில பல வேளைகளில் மினி போரே நடக்கும் பாட்டல்கள் சில்லென பறக்கும். நான் கவுன்டர் உள்ளே குனிஞ்சி ஒளித்து கொள்வேன். அப்பிடி ஒரு நாள் பீர் பாட்டல் வீச்சு நடந்தது சண்டை போட்டதின் காரணம் சவூதி பெரியவனா...? குவைத்தி பெரியவனா [[கொய்யால]] என்னும் தலைப்பில் அடிச்சிகிட்டாங்க.

நான் வழக்கம் போல் குனிஞ்சி ஒளிச்சிட்டு இருந்தேன் உள்ளே பாட்டல் சில்லுகள் என் முன் வந்து விழுந்து கொண்டே இருந்தது  நடுவில் ஒரு லேட்டஸ் மொபைலும் வந்து விழுந்தது ஹி ஹி ஹி ஹி எடுத்து வச்சிகிட்டேன். சண்டை ஒய்ந்து போலீஸ் வந்து எல்லாரும் ஓடி போனவனும் பிடிபட்டவனுமா இருந்தானுக. நான் வெளியே வந்து போனை உயர்த்தி காட்டி இது யாருதுன்னு கேட்டேன் ஒரு பதிலுமில்லை. ஸ்டோரில் ஒப்படைத்து விட்டேன்.

எங்கள் ஹோட்டலில் ஒரு வழக்கமுண்டு, அது,தவறி ஒரு பொருள் கிடைத்து அதை கண்ணியமாக ஸ்டோரில் ஒப்படைத்தால், சம்மந்த பட்ட பொருளின் ஆட்கள் வராத பட்சத்தில் அந்த பொருளை ஒப்படைத்த ஸ்டாஃப்'புக்கே கொடுத்து விடுவார்கள். ஹே ஹே ஹே அப்பிடி எனக்கு அந்த லேட்டஸ் மொபைல் கிடைத்தது.

இனி அடுத்து ஒரு சம்பவம் அதே பாரில், 

கஸ்டமர் யாருமில்லாத மாலை வேளை, ஒரே ஒரு சவூதி அரபி மட்டும் மது அருந்தி கொண்டிருந்தான். நீளமாக தாடியும் வளர்த்து வச்சிருந்தான். பார் கவுன்டர் உள்ளே எனது டேபிளில் ஒரு கெட்டு போன சிகரெட் லைட்டர் கிடந்தது, அதை டிக் [[யூஸ்]] பண்ணுனா நீளமா வேகமா தீ ஃபையர் ஆகும் ஆகவே அதை யூஸ் பண்ணாம போட்டுருந்தேன்.

உட்கார்ந்திருந்த அரபிக்கு போதை ஏற ஏற என்னை பேசியே கொன்னுட்டு இருந்தான். சகிக்க முடியலை, தொடர்ந்து இந்தியர்களை கேவலமா பேச ஆரம்பிச்சதும் எனக்கு கோபம் வர நானும் திட்ட...இப்பிடி திட்டிகிட்டே இருக்கும் போதே அவன் பாக்கெட்டில் இருந்து சிகரெட் பாக்கெட்டை எடுத்து ஒரு சிகரெட்டை உருவினான், உருவி வாயில் வைத்து விட்டு என்னிடம் லைட்டர் கேட்டான் நான் இல்லை என்று சொல்ல, அதோ அங்கே கிடக்குதே அதை தா என கேட்டான். நான் சொன்னேன் அது நல்ல லைட்டர் இல்லை என்று. அவன் கேட்கவே இல்லை நான் உன்னிடம் சண்டை போட்டதால் நீ தர மறுக்கிறாய் என திட்ட...எனக்கும் கோபம் வந்து லைட்டரை எடுத்து அவன் கையில் கொடுத்து விட்டேன்....

ஸ்டைலா தலையை சாச்சிகிட்டே டைட்டரை பத்த வச்சான்ய்யா....நீளமா எரிஞ்ச தீ நொடியில் அவன் தாடியை பொசுக்கி விட்டது. அப்பிடியே ஒரு நிமிஷமா அமைதியா அமர்ந்திருந்தவன்...திடீரென என் மீது பாய, நான் தெறிச்சி ஓட.....ஐய்யய்யோ கண்கொள்ளா காட்சி அது...பாரை சுத்தி சுத்தி ஓடினேன் பயந்து அவன் கையில் அகபட்டால் சட்னி ஆகிருவேன் அம்புட்டி தடி அவன்......

ஒரு வழியா செக்யூரிட்டி வந்து அவனை அமுக்கி பிடித்து ஒரு அறையில் [[ஹோட்டல் ஜெயில்]] அடைத்து விட்டார்கள். அப்புறம் நான் என் வேலையில் மூழ்க, கொஞ்ச நேரம் கழிச்சி ஒரு செக்யூரிட்டி [[நண்பனும் கூட]] வந்து என்னை கூட்டி சென்றான் அந்த அறைக்கு. அங்கே சவூதி அரபி சட்னி ஆகி கிடந்தான், அம்புட்டு அடி அடிச்சிருக்காங்க செக்யூரிட்டிங்க.

நான் அரபியை பார்த்து கேட்டேன் இது உனக்கு தேவையா..? பாரு தாடியும் போச்சு மீசையும் போச்சு, அடியும் வாங்கியாச்சுன்னு. ஆனாலும் அவன் அடங்கலைய்யா துப்ப ஆரம்பிச்சிட்டான். பஹ்ரைனி செக்யூரிட்டி கண்ணை காட்ட [[பஹ்ரைனிக்கும் சவுதிக்கும் பிடிக்காது]] நானும் [[சாரி]] கொஞ்சம் பூசை குடுக்க வேண்டியதா போச்சு......