வியட்னாம் புயல் நெல்லை கரிசக்காட்டு மண்ணில்....!!!

கொஞ்சநாள் முன்னாடி நான் ஒரு பதிவில் இப்படி எழுதி இருந்தேன், ஆபீசரும், விக்கியும், சிபியும், நாஞ்சில்மனோ'வும் நெல்லையில் ஒன்று கூடும் அந்தநாள் திருநெல்வேலியில் இடிமுழக்கமும் மின்னலும் மழையும் [[ஆமா மழைதான்]] பொழியப்போகுதுன்னு, அதுக்கு ஏற்ற நாள் வந்தேவிட்டது, என்ன சிபி'க்கு பதிலாக வந்தது நாஞ்சில் நாட்டு யானை ச்சே ச்சே சிங்கம் கே ஆர் விஜயனும், நெல்லை பெண் சிங்கம் கவுசல்யாவும், ரூபினோ மேடமும், ஜோதிராஜும்......!!!

மும்பை வாரேன் வாறேன்னு பொய் சொல்லிட்டு நான் மும்பை இல்லாத நேரம் பார்த்து வஞ்சகமாக வந்த நாதாரி ராஸ்கல், மும்பை வந்து ஒரு போன் கூட பண்ணவில்லை என்பது யாருக்குமே புரியாத ரகசியம் [[நடந்தது என்ன..?]] ஏண்டான்னு கேட்டால் நம்பர் மறந்ததாக சொல்லி சமாளிப்பு வேற.....ஆனால் இவன் இந்தியா வாறேன்னு வாறேன்னு சொல்லிட்டு லேட்டா வந்த விஷயம் அவனை நேரில் பார்த்தப்போதான் புரிஞ்சது ஆமாங்க இவனுக்கு மீசை கிடையாது, அதை வளர வைக்கத்தான் இம்புட்டு லேட்டுன்னு அவன் வீட்டம்மா போனில் சொல்லிவிட்டார்கள் [[மாட்டினியா கொய்யா]]

அய்யய்யோ இதுக்கிடையில் நாய் நக்ஸ்ன் அலப்பறை தாங்க முடியலை, போன்ல கொலையா கொலையா முந்திரிக்கா பண்ணிட்டார், அய் அய் நான்தான் முதல்ல பக்கியை பார்த்தேன் பார்த்தேன்னு சொல்லி அழாத குறையாக சொன்னார்.

ஆபீசர் போன் பண்ணினார். மனோ விக்கி சென்னையில் இருந்து நேரே நெல்லை வருகிறார், விஜயனை கூட்டிட்டு நீங்க ஜானகிராமன் ஹோட்டல் வந்துருங்க, அங்கேதான் விக்கிக்கு ரூம் புக் பண்ணி இருக்கேன் என்றார். ஆனால் ஈரோட்டு புயல் பலமா போனில் பேசி திட்டியதை நான் சொல்லமாட்டேன் என்னை அல்ல விக்கியை [[அய் ஜாலி ஜாலி]]

நாகர்கோவில் டூ நெல்லை பயணம்......நானும் விஜயனும் புறப்பட்டோம், அந்தநாள் விஜயனுக்கு ஒரு சோகதினம், எனக்கும் மனதுக்கு கவலையாகவும், நட்புக்காக இம்புட்டு தியாகமா என்ற மன ஓட்டத்துடன் அவரோடு பேசி பயணித்து கொண்டிருந்தேன்.

நெல்லையில் இறங்கியதும் முன்பு போல நடக்க விடாமல் உடனே ஆட்டோ பிடித்து விட்டார் விஜயன், ஹே ஹே ஹே ஹே பின்னே தலையில் வெயில் அவருக்குதானே பலமாக உடனே இறங்கும், நேரே ஜானகிராமன் ஹோட்டல், ரிஷப்சனில் இருந்து விக்கி அறைக்கு போன் செய்துவிட்டு அங்கே சென்றோம்.

அங்கே ஏற்கனவே ஆபீசரும், கவுசல்யாவும் அமர்ந்து இருந்தார்கள், பரஸ்பரம் வணக்கங்கள்......விக்கியா அது...? உருளை மாதிரி இருந்தான் கட்டிபிடிக்க கை எட்டவில்லை, ஏண்டா இப்பிடி பன்னி மாதிரி இருக்கேன்னு கேட்டதும் நான் பன்னி அடிக்கடி சாப்பிடுவேன் அதான் என்றான்.

ஜாலியாக பேசி போட்டோக்கள் எடுத்தோம், ஆனால் விக்கி, எவனாவது என் போட்டோவை பிளாக்'ல போட்டால் சுட்டேபுடுவேன்னு ஆபீசர் முன்னிலையில் எச்சரித்தான், உடனே விஜயன் சொன்னார், அதாம் அண்ணே நான் கேமராவே கொண்டு வரலை என பம்மி விட்டார். ஆனால் ஆபீசர் கேமராவையும் என் போனையும் வைத்து எப்பிடியும் நாசமா போங்கள்னு போட்டோ எடுத்து தந்துட்டார், 

[[முகத்தை பொத்தி கொண்டு இருப்பது விக்கி'தான், கவுசல்யா, விஜயன், ஆபீசர்]]

ஹோட்டல் ரெஸ்டாரண்டில் போயி சாப்பாடு வாங்கி தந்தார் ஆபீசர், விக்கி ஒரே ஒரு காப்பி குடித்து கொண்டே என்னை கலாயித்து கொண்டிருந்தான், கவுசல்யா அதே குழந்தை சிரிப்புடன் சிரித்து கொண்டிருந்தார், ரூபினோ மேடத்துக்காக வெயிட் பண்ணிட்டு இருந்தோம்.

ரூபினோ வந்ததும் விஜயன் கேமராவை [[பழக்க தோஷம்]] தூக்க.....ரூபினோ கலவரமாகி ரிலாக்ஸ் ஆனார். ஜாலியாக அன்பாக குடும்ப உறவுகளைப் போல, எங்கள் வாழ்க்கைகளை சந்தோஷங்களை பகிர்ந்து கொண்டோம், இந்தமுறை பலி ஆடு சிக்கவில்லை இல்லைன்னா என்னை வெட்டுங்கடா வெட்டுங்கடான்னு மண்ணுல உருண்டு பெரண்டு அழும் ஆளு சைலண்ட் ஆகிட்டார்...!!!

ஆபீசர் தன் மகளுக்காக ஒரு காஸ் சிலிண்டருக்காக போனில் பேசிக்கொண்டிருக்க, கவுசல்யாவின் வீட்டய்யா ஜோதிராஜ் காஸ் டீலர் என்பதால் அதற்கான ஏற்பாடுகள் தீவிரமாக நடந்து கொண்டிருந்தது.

மதியம் வரை நேரமே போகாமல் பேசி கொண்டிருந்தோம், அப்போது சுகர் உள்ளவர்களுக்கு ரூபினோ மேடம் ஒரு மருந்து சொன்னார், உபயோகம் பண்ணி பாருங்களேன்.

ரெண்டு நெல்லிக்காயை ராத்திரி படுக்க போகும்முன் சின்ன சின்ன பீஸாக வெட்டி ரெண்டு டம்ளர் தண்ணி ஊற்றி ஊறவைத்து காலையில் வெறும் வயிற்றில் குடித்து விட்டு மறுபடியும் தண்ணீர் ஊற்றி ஊற்றி வைத்து விட்டு அன்றைக்கு எப்போ வேண்டுமானாலும் குடிக்கலாமாம், ஒருநாள் மட்டும் யூஸ் பண்ணிட்டு மறுபடியும் ரெண்டு நெல்லிக்காய் வெட்டி போட்டு [[புதுசாக]] தொடரலாம்.

பெண்கள் பிரியா விடை பெற, ஆபீசர் மகளின் கல்யாணத்துக்காக லீவு பெற ஒரு மீட்டிங் போவதாக சொல்லிவிட்டு ஒரு "சாப்பாடு"பார்சலை நீட்ட....விக்கி வாயில் தண்ணீர் ஊறியது [[விஜயன் டையலாக் நினைவு இருக்கு ஹி ஹி]] இது பாண்டிச்சேரியில் இருந்து ஸ்பெஷலாக வரவைத்தது என்று ஆபீசர் சொன்னார், விக்கி அதை சுற்றி சுற்றி பார்த்தான்.

ஆபீசர் கிளம்ப, விக்கிக்கு வியட்னாம் போகும் ,டிக்கெட்டில் [[விமானசீட்டு]] அவன் பி ஏ சொதப்பியதால், இன்டெர்நெட் பிரொவுசர் செல்லவேண்டியதாயிற்று, மூவரும் கீழே இறங்கி நடந்தோம் ஆபீசர் காட்டிய வழியில்...அந்த சென்றருக்குள் விக்கி நுழைய , நானும் விஜயனும்வெளியே நின்றிருந்தோம், 

விஜயனுக்கு நன்றாக புரிந்து போயிற்று, எப்பிடியும் வீடு போயி சேர ராத்திரி ஆகிரும், வீட்டில் நடக்கும் விஷேச [[சோகம்]] பூஜையில் கண்டிப்பாக வீட்டு மெம்பர்ஸ் எல்லாரும் கண்டிப்பாக இருந்தே ஆகவேண்டும் ஆனாலும், வீட்டுக்கு போன் பண்ணி வரமுடியாததை சொல்லிட்டார்...!!! [[நட்புய்யா நட்பு..!!]]

நாங்க பேசிட்டு நிக்கும் போதுதான் விஜயன் கவனித்து சொன்னார், அங்கே பாருங்க மனோ, பிரௌசிங் சென்றருக்கு வெளியே போர்டை "காலணியை அணிந்து செல்லவும்"ன்னு போட்டுருக்கு ஆனால் உள்ளே போன அனைவரும் செருப்பை கழட்டி போட்டுட்டு போயிருக்காங்க நம்ம பக்கியும் கழட்டி போட்டுட்டுதான் போயிருக்கான்னு சிரிச்சோம்....!!!

மறுபடியும் ஹோட்டல் வந்தோம்.....அய்யய்யோ நக்கீரனின் டார்ச்சர் ஆரம்பம் போன் வருது வருது வருது விக்கி எங்கேன்னு, எனக்கும் போன் ஆபீசருக்கும் போன், வீடு'சுரேஷ் போன், வெளங்காதவன் போன், சிவகுமார் போன் அவ்வ்வ்வ்வ்வ்வ்வ்வ்வ்......[[விக்கி நாகர்கோவில் போயிட்டதா வதந்தியை கிளப்பி விட்டுட்டாங்க]] டார்ச்சர் லகுடபாண்டி வாழ்க ம்ஹும்..!!!

ஆபீசரையும், ஜோதிராஜையும், விஜயனையும், விக்கியையும், என்னையும் பார்த்த நெல்லை பஸ்நிலையம் எப்பிடி அலறுச்சுன்னு சொல்றேன்.....!!!